Qablarım işıq saçır
Kristaldır,almazdı.
Camaşırlar dünəndən
Yuyulub bəm-bəyazdı.

Otağın havasından
Bahar qoxusu gəlir.
Sahibə qımıldanır:
“Deyəsən qonaq gəlir…”

Deyirəm ki, ay xala,
Hər zamanki halimdi.
Lakin bazar günləri
Mənim ilham pərimdi.

Mixəkli çay dəmlədim
Ətrinə qızlar gəldi.
Dünən bişirdiyim tort
Dillərindən düşmədi…

Üzü axşama doğru
Gedir gün yavaş-yavaş.
Qələm artıq qurtarır
Deyir: “bəsdi, sağollaş…”