Avropada “gözəllik erası” adlandırılan XIX əsrin sonu XX əsrin əvvəllərinin görkəmli nümayəndələrindən biri, İtaliyanın əfsanəvi opera müğənnisi Lina Kavalyerinin ölümündən illər keçməsinə baxmayaraq, o, unudulmur. 1948-ci ildə köhnə jurnallardan birində Kavalyerinin şəklini görən və ilk baxışdan ona aşiq olan dizayner Pyero Fornazetti ifaçını ölümsüzləşdirmək qərarına gəlir.

Onun qüsursuz saydığı simasını müxtəlif əşyaların üzərinə həkk etməyə başlayan Fornazetti bununla dünya şöhrəti qazanır. Hazırda dizaynerin Milandakı emalatxanasında Kavalyerinin simasının əks olunduğu 350-yə yaxın əşya hazırlanır. İtaliyanın Bitossi kreamika evi isə məhz Kavalyerinin simasının olduğu güldanlar istehsal edir.
1988-ci ildə vəfat etmiş dizaynerin biznesini oğlu Barnaba Fornazetti davam etdirir. Məhz onun ideyası əsasında hazırlanan “Re-inventions” layihəsi Linanın obrazının mebel əşyalarının üzərinə köçürülməsinə imkan verib.

Mənbə