Vətənizimizi gəzərək tanımağa davam edirik!

Gənclərin İnkişaf və Karyera Mərkəzinin Daşkəsən nümayəndəliyi “Vətəni tanı!” silsilə tədbirləri çərçivəsində Daşkəsən rayonunun Bayan kəndində yerləşən qədim Alban monastırı və Çiçirəvəng məbədini ziyarət ediblər.

Səfər zamanı gənclərə Alban monastırının inşa tarixi haqqında məlumat verilib.

Qeyd edək ki, monastr ərazi baxımından rayonda olan digər monastırlardan böyüklüyü ilə seçilir. Daşların üzərində alban əlifbası ilə yazılmış kiçik kitabələrin mövcud olduğu qeyd edilir.

Çiçirəvəng məbədinin sahəsi isə 500 kv.metrdir. Məbəd albanlara məxsus olub və tikilmə tarixi VII – IX əsrlərə aid edilir.