İranda Azərbaycan və fars dillərində nəşr olunan
“Xudafərin” dərgisinin baş redaktoru
Hüseyn Şərqi SOYTÜRKƏ
Hörmətli Hüseyn bəy!
Ürək ağrısı ilə yazırsan ki, İsrail ordusu Təbrizdə iki azyaşlı uşağı öldürdü. 7 yaşlı — Taha Bəhruzi və Əlişan Cabbari… Sənin ağrın mənim ağrımdır qardaş! 1 il 8 ay ərzində İsrailin davamlı hava hücumların nəticəsində Qəzza zolağında 17.000-ə yaxın uşaq ölüb. Amma BMT-nin gözü KOR, qulağı KARDIR… Allahın bir AHƏNG üstündə köklədiyi bu DÜNYANIN YAŞAM ritmini BƏNDƏNİN kökdən salması, özündən zəiflərin ləyaqətini tapdalaması, nəhayət hər xalqın gələcəyi olan uşaqların qətlə yetrilməsi BƏŞƏRİ cinayətdir.
Sənin təbrincə desəm, ORTA DOĞU odlu-alovlu KƏLƏF içindədir. Müsəlman xalqalrının çabalamasının SSENARİ müəllifi əslində ABŞ-dır. Ağlı başında olan DÖVLƏT (və onun RƏHBƏRİ) dinindən, dilindən, millətindən asılı olmayaraq günahsız İNSANLARIN qanını tökməz!.. Vaxtilə dünya ABŞ-ın uşaq oyuncaqlarının içinə partlayıcı maddələr qoyub badamgözlu, koreyalı, vyetnamlı körpələrə təyyarədən “hədiyyə” kimi atarkən necə rəhmsiz dövlət olduğuna şahid olmuşdu. Bəşər tarixində ilk dəfə atom bombalarını Yaponiyanın Hiroşima və Naqasaki şəhərlərinə məhz ABŞ atmışdı…
Bir neçə gündən sonra – iyulun 4-də ABŞ-ın 249 yaşı tamam olacaq! Yarandığı gündən bəri təqribən irili-xırdalı 220-yə yaxın müharibə aparan ABŞ (eləcə də ABŞ-ın 51-ci ştatı “sayılan”İsrail) insan qanı tökməyə əyləncə kimi baxır. Dilində sülh, demokratiya şüarı, əməlində hegemonculuq, qoculuq, cahangirlik iddiası var ABŞ-ın… “Mütləq gücün simvolu” olan əskinasların – dolların üstündə “IN GOD WE TRUST” – “Biz Allaha inanırıq” yazdırsa da, Ağ EVin sözdə mələk, işdə kələk sahiblərinin çoxu Şeytana qulluq ediblər. Kimi dolların üzərində Mason Lojasının, kimi isə satanizmin simvollarının həkk olunduğunu deyir. NATO, Dünya Bankı, Beynəlxalq Valyuta Fondu, hətta Ümumdünya Sağlamlıq Təşkilatı və s. qurumlar kimi, BMT – də ABŞ-ın diktəsi ilə fəaliyyət göstərir… Hollivudun savaş filmləri belə öz məzmununu Ağ Evin siyasətindən götürür…
ABŞ yeganə dövlətdir ki, Qarabağda Azərbaycanın tarixi və dini abidələrini darmadağın edən qondarma “Dağlıq Qarabağ Respublikası“na 30 ilə yaxın maliyyə dəstəyi göstərdi… Azərbaycana maliyyə və hərbi yardımlara qadağa qoyan ”Azadlığa dəstək aktına” ədalətsizcə 907-ci düzəlişi etdi… Dünyada “когда армянин родился, еврей заплакал” məsəli də təsasüfu yaranmayıb. Son hadisələr göstərir ki, İsrayıl “ağlaşma yolu ilə” ABŞ-i istədiyi “oyuna” cəlb etdi. ABŞ-ın dəmir yumruğu daim Damokl qılıncı kimi ŞƏRQDƏ müsəlmanların başının üstdə asılıb… Təcavüzkar İsrailə dəstək verməklə ABŞ bu gün işğalçı Rusiya üçün YAŞIL işıq yandırdı. ABŞ-ın sehrli dirijor cubuğu ilə qəmli matəm marşları təkcə Şərqdə deyil, Ukraynada da çalınır. Qaçqınların sayı milyonları ötür. Vaxtilə Ruzvelt, Çörçil və Stalin bir araya gəlib dünyanı bürüyən faşizm taununun qarşısını aldılar. İndi onalrın varisləri faşizmin əl-qol açmasına yardım edirlər. Bəşəriyyətin bağrı minbir yerdən ÇAT verir… Dünyanın HƏRB və SÜLH acarı təkcə AĞ EVİN əlindədir… İraqda kimyəvi, İranda nüvə silahı məsələsi ABŞ-ın əlində bəhanədir.
Fələstin, Əfqanıstan, İraq, Misir, Liviya, Yəmən, Suriya, bu gün İran, sabahsa başqa bir müsəlman dövlətini hədəfə alacaq… Bəli, Mədain xərabələrinə bənzəyir müəlman dünyasının böyük şəhərləri, qərinələr boyu tikilən mədəni abidələr bir-bir məhv edilir. Hazırda ABŞ-da Trampa, İsaraildə Netanyahu hakimiyyətinə, İranda molla rejiminə, Rusiyada Putinə qarşı etirazlar dalğaları var. Fəqət, müharibəni qızışdıran, məsum uşaqların qətlə yetirilməsinə laqeyd qalan BU SİYASƏT ADAMLARININ damarlarında insan qanı yox, iblis qanı axır…
Əgər İranda hədəf dini rəhbər idisə, illərlə qılıq dəyişib Əli Xamenei ilə bir məsciddə namaz qılan Mossad əməkdaşları niyə onu öldürmürdülər?..
Axı Bir gülün TİKANINI yox edərkən, KOLUNU kökündən çıxarmaq təkcə Təbiətin deyil, Cəmiyyətin də nizamını pozur. Vallah, bir AHƏNG üstündə Allahın köklədiyi bu DÜNYANIN YAŞAM ritmini BƏNDƏNİN kökdən salması, özündən zəiflərin ləyaqətini tapdalaması, nəhayət hər xalqın gələcəyi olan uşaqların qətlə yetrilməsi BƏŞƏRİ cinayətdir. Bu müharibədə göyə qalxan ah-nalələrə necə dözmək olar? Allah sizi və bütün GÜNEY AZƏRBAYCANDA yaşayan soydaşlarımızı qorusun. Qoy bu ağır, həyəcanlı günlər tez başa çatsın! Amin.
24 iyun – TÜRKLÜK gününüz mübarək olsun!
Adınıza və soyadına hörmətlə,
Nurəddin ƏDİLOĞLU.
Yazıya 17 dəfə baxılıb
