Tağıyev Əli Aydın oğlu 1997-ci ildə İmişli rayonunda anadan olub.
2003-cü ildə Bakı şəhər Səbail rayonunda yerləşən 162 nömrəli orta məktəbə gedib.
2011-cidə orta məktəbin 9-cu sinfini bitirib.
2012-ci ildə Bakı Peşə Liseyinin Veb-dizayner fakültəsinə daxil olub.
2015-ci ildə Üçüncü dərəcəli Veb-dizayner ixtisasına yiyələnərək, kolleci bitirib. 2016-ci ilə qədər fiziki əməklə məşğul olub.
2016-cı ildə hərbi xidmətə çağrılıb. Aprel döyüşləri zamanı Goranboy və Murovdağ ətrafı mübarizədə nümunəvi əsgər adını qazanıb.
2017-ci ilin iyul ayının 1-də xidmət etdiyi hərbi hissənin rəhbərliyi tərəfindən Fəxri-Fərmanla təltiflənib, ailəsinə bir neçə dəfə təşəkkür məktubu ünvanlanıb.
2017-ci ildə Bakı şəhərində yerləşən Dizayn və Vizualogiya Məktəbində təhsilini davam etdirib.
2020-ci il sentyabr ayında Ali Baş Kamandanın qismən səfərbərlik elan etdiyi gündən könüllü olaraq səfərbərliyə yazılıb.
2020-ci il sentyabr ayının 29-da döyüşə yollanıb. Cəbrayıl, Füzuli, Hadrut rayonu ərazilərində gedən döyüşlərdə qəhrəmancasına vuruşub.
13 oktyabr 2020-ci ildə Füzuli döyüşlərində Şəhidlik zirvəsinə yüksəlib.
İkinci təhsili yarımçıq qalıb…
Əli Tağıyevin cənazəsi Badamdar qəsəbəsində təzə salınan Şəhidlər Xiyabanında dəfn edilib.
Yazıya 551 dəfə baxılıb
