Kultur.az Leyla Əsədullayevanın şeirlərini təqdim edir:
Məlhəm….
Gizlənərəm,özümdən,
Həyatımdan,küsərəm
Unudaram keçmişi,
Mən təzədən,sevərəm.
Qoşulub,buludlara,
Yağış olub,yağaram.
Çəkilib ,ulduzlara,
Sənə göydən,baxaram.
Açdığın, yaralara,
Məlhəm tapıb,sürərəm.
Sən çıxanda,yoluma,
Nə bir salam,alaram,
Nə bir salam,verərəm….
Gecə düşüncəsi
Düşünürsən gecələr,
Soyuğu,
yalnızlığı
Pəncərədən içəri,
Dolur gecə sazağı.
Kimsə yoxdur otaqda
Yalnızlıq içindəsən
Narahat çarpayıda,
Qıvrılır sakit bədən.
Dəli bir düşüncə var,
Ürəyinin içində.
İllərdi gələn nəfəs,
dolaşırmı köksündə?
Axı bu itən nəfəs
Hara gedir görəsən?
Gecə pozur sükutu,
O danışır deyəsən:
“Bax səmaya, dolanır,
Yerdə, göydə fırlanır.
Ürək durmur yerində,
O dayanmır, çırpınır.
Gözlər dikilib yola,
Kimi isə gözləyir.
Yola baxırsa gözlər
Bəs niyə kədərlidir?
Yetdi zaman bu anda,
Qaraltı var, uzaqda.
Bu son nəfəs, bu son söz:
“Nə gördüm ki, həyatda?”
Sənsizliyi təsvir etmək
Sənsizliyi təsvir etmək….
Çox çətindir.
Dözülməz bir ağrıdır o.
İşıq yoxdur, qaranlıqdır.
Küləklər də, sazaqlıdır.
Çox acıdır…
Sənsizliyi təsvir etmək….
Əlacsız bir dərd kimidir,
Daldalanmış ər kimidir.
Tapdalanmış mərd kimidir
Sənsizliyi təsvir etmək…
Acılarla qıvranmaqdır,
Acı həsrəti dadmaqdır.
Acını məlhəm sanmaqdır
Sənsizliyi təsvir etmək….
Bütün naləm, ah-fəryadım,
Dərdlə açılan sabahım.
Bu dərdi mən necə yazım?
Sənsən ən böyük günahım….
Sevgi nədir?
Sevgi nədir?-söylə mənə,
İstəyini,mən bilim.
Söylə mənə,amalını,
Söylə mənə,gümanını,
Mən bilim.
Həyat adlı mövhumatda,
Söylə,nəyə bənzər o?
Ya, gizli ya, aşikarda,
Söylə harada yaşar sevgi?
Mən bilim.
Sevgi nədir?-susma söylə.
Fırtınalı bir dənizdə,
Söylə,nəyə bənzər o?
Qayıqmıdır,tufanmıdır?
Nəhəng lakin,qayalara,
Çırpılanda bir heç kimi,
Tez yox olan dalğamıdır?
Mən bilim.
Sakit,səssiz,gecələrdə,
Gecə gözlü, bir ay kimi,
Baxarmı o?
Yoxsa sönən ulduz kimi,
Bir andaca,tez əriyib,
Axarmı o?-söylə mənə,
Mən bilim.
Sevgi nədir?-söylə mənə.
Yar ürəyin dərd bağlasa,
Kədərinə,sakit durub,
Baxmaqmı o?
Yoxsa tən yarısı kimi,
Yar dərdinə ortaq olub,
Çəkməkmi o?
Söylə nədir?-nədir sevgi.
Susma söylə,-mən bilim…..
Yazıya 670 dəfə baxılıb
