kultur.az xəbər verir ki, 15 iyul 2022-ci ildə Bakı şəhər II Fəxri Xiyabanında Tovuz hadisələri zamanı şəhadətə yüksəlmiş Azərbaycanın Milli Qəhrəmanı, Azərbaycan Silahlı Qüvvələrinin general-mayoru, Azərbaycan Silahlı Qüvvələrinin 3-cü Ordu Korpusunun Komandir müavini — Qərargah rəisi, general Polad Həşimov və Azərbaycanın Milli Qəhrəmanı, Azərbaycan Silahlı Qüvvələrinin polkovniki, Azərbaycan Silahlı Qüvvələrinin 3-cü Ordu Korpusunun Artilleriya rəisi İlqar Mirzəyevin anım günü keçirildi.
Tədbirdə Şəhid ailələri, hərbçilər, qazilər və şəhidini baş tacı sanan Azərbaycan övladları iştirak edirdi. Mərasim boyunca qəhrəmanlarımızın şərəfli ömür və döyüş yollarından söhbət açıldı, məzarları önünə əklillər, tər çiçəklər düzüldü, ruhlarına dualar oxundu.
Xatırladaq ki, Polad Həşimov və İlqar Mirzəyev 2020-ci ilin 12 iyul tarixindən etibarən Ermənistan—Azərbaycan dövlət sərhədinin Tavuş mərzi və Tovuz rayonu əraziləri boyunca başlayan döyüşlərin üçüncü günündə – 14 iyul tarixində Şəhadətə yüksəliblər. 
Aytac Əlizadə
Yazıya 19 dəfə baxılıb
