İstedadlı şairə Adilə xanım növbəti dəfə görüşünüzə gəlib, əziz oxucular. “Sevgi qum saatıdır” adlanan bu kitabda da, hər zaman olduğu kimi, özünəməxsusluğu ilə seçilən, fəlsəfi və poetik fikirlərlə dolu bir-birindən gözəl şeirlər toplanmışdır. Ümidvarıq ki, Adilə xanımın bu kitabı da oxucularının ürəyincə olacaqdır.
MÜƏLLİFDƏN: SEVGİ bir sirdir. İnsanda ağıl əzəli yaranışdan etibarən cahillikdən kamilliyə doğru inkişaf etdikcə sevgi də onunla birgə yol aldı. Ancaq o, ağlın qol-qanad açdığı kimi özünü biruzə vermədi – Səadətin, Eşqin, Vəfanın, Güvənin və İnamın sirrinə büründü. Əziz dostlar, mən də elə bu sirli sevginin ruhuna burunub, duyğuyla, hisslə, həyacanla dördüncü dəfə görüşünüzə gəlmişəm. “Sevgi qum saatıdır” – qəlbimin həzin, lirik nəğməsidir, vaxtınız və həvəsiniz olsa dinləyin…
Yazıya 1127 dəfə baxılıb
