“APOSTROFF” nəşriyyatında yazar Günay Səma Şirvanın yeni kitabı işıq üzü görmüşdür.
“Tanrının hekayəsi” adlanan kitab “Ayrılan yolların nəğməsi”ndən (Bakı – 2013) sonra yazarın oxucularla ikinci görüşüdür. Kitabda şairin müxtəlif illərdə, rəngarəng mövzularda qələmə aldığı şeirləri toplanmışdır.
Müasir cəmiyyətdə qadın taleyi, ədalətsizliyə, haqsızlığa qarşı üsyankarlıq, “itirilmiş” doğmaların ağrısı, nisgili, məsum sevgi notları, “min ilin qəriblik” hissi – poetik axtarışlarının kökündə duran əsas məqamlardır.
Oxucular həmçinin, kitabda müəllifin insan – insan, təbiət – insan münasibətlərinə özünəməxsus fəlsəfi baxışları ilə tanış olacaqlar.
11 avqust saat 17:00-da kitabevim.az marketində kitabın təqdimatı keçiriləcək. Bütün şeir, söz sevdalıları dəvətlidirlər.
Günay Səma Şirvanı təbrik edir, Uğurlar arzu edirik!
kultur.az
Yazıya 739 dəfə baxılıb
