Vətən, sən mənim hər şeyim
Ürəyimdən axan qansan.
Vətən, sən mənim dünyamda
Müqəddəs bir ağ torpaqsan.
Yellər kimi əsib coşan,
Sellər kimi aşıb daşan,
Dəniz kimi dalğalanan
Üçrəngli al bayrağımsan.
Azərbaycan, ey şanlı keçmişə sahib
İgidlər, nərlər torpağı…
Söylə, haykır bu dünyaya
Qoy bütün aləm bilsin ki,
Neçə-neçə qəhrəmanlar, mərd oğullar
Mübarizlər şəhid verdin.
Başın sağ olsun, ey vətən!
Odlar yurdum Azərbaycan!
Səsin gəlsin ucalardan.
Sən bugünüm, sabahımsan
Dünyanı lərzəyə salan
Muğamım, Tarım, Sazımsan,
Qarabağım, Xocalımsan!
Yazıya 2795 dəfə baxılıb
