yad gələr könlünə doğmanın səsi,
sopsoyuq dad verər özgə kəlməsi.
qorxarsan,
gizlicə sevdiyin kəsi
kimsə gözlərində görər, bilməzsən.

sən onun sevdiyi ən dadlı yemi,
o sənin könlünün qəddar hakimi.
sevgisi ən ağır xəstəlik kimi
bütün varlığını sarar, bilməzsən.

adını könlünə izinsiz yazar
nə sənə söz deyər, nə qulaq asar!
ürəyindən sevgi adlı daş asar
səni zərrə-zərrə yorar, bilməzsən.

ayılıb özünü düzdə görərsən
ortada bir sevgin qalıb,
bir də sən!
ürəyin görsə ki çökən yerdəsən,
səndən məzar yeri sorar, bilməzsən.