kultur.az xəbər verir ki, 23 noyabr 2021 ci il tarixində Başkənd-Füzuli döyüşlərinin qəhrəmanı Rzayev Hüseyn Aslan oğlunun Şəhadətinin ildönümü münasibətilə mərasim keçirildi.
Gədəbəy rayonunun Novo-Saratovka kəndində baş tutan mərasimdə kənd əhalisili, ölkəmizin ayrı-ayrı bölgələrindən gəlmiş Şəhid və qazi ailələri, Gədəbəy rayon rəhbərliyi, Şəhidin döyüş yoldaşları, hərbçilər və oxuduğu məktəbin kollektivi iştirak edirdi.
İlk olaraq mərasim iştirakçıları Şəhidin təhsil aldığı orta məktəbin qarşısındakı xatirə lövhəsinin önünə toplaşdılar. Azərbaycanın Dövlət Himni səsləndirildikdən sonra Vətən Müharibəsi şəhidlərinin ruhu bir dəqiqəlik sükutla yad edildi, Novo-Saratovkla kənd məktəbinin müəllim heyəti qəhrəmanlıq salnamələrinin yaradıcıları olan Şəhid və qazilərimiz haqqında qürur dolu fikirlər söylədilər, şagirdlər Hüseyn Rzayevin timsalında şəhidlərimizin və qazilərimizin şərəfli döyüş yoluna həsr edilmiş şeirlər səsləndirdilər.
Mərasimin ikinci hissəsində Hüseyn Rzayevin uyuduğu müqəddəs xiyaban ziyarət edildi. Şəhidin məzarı önünə tər çiçəklər, əklillər düzüldü.
Şəhidin evində davam etdiriən mərasimdə Hüseynin və bütün Şəhidlərimizin ruhuna dualar oxundu.
Xatırladaq ki, Hüseyn Rzayev 1996-cı il may ayının 14 də Gədəbəy rayonunun Novo-Saratovka kəndində anadan olub. 2014-cü ildə hərbi xidmətə yollanıb. 2016-cı ildən müddətdən artıq hərbi xidmətdə olub. 21 sentyabr 2020-ci ildə könüllü olaraq yenidən hərbiyə yola düşüb. Başkənd, Füzuli bölgələrində döyüşüb. “Motoatıcı manqa komandiri” olan Hüseyn Rzayev 26 oktyabr 2020-ci ildə Qarabağ uğrunda gedən döyüşlərdə şəhid olub.
Yazıya 161 dəfə baxılıb
