Qayayla çırpınan dalğalar kimi,
Sevgidə inad et, bir damcı sutək,
Ruhumu çək apar cənnət qəlbinə,
Gəlişin xoş olsun şirin yuxutək
Götür qanadına mələklər sayaq,
Uçur bağçaların üstündən məni,
Yazılmış yazıya biz imza qoyaq,
Telim sığallasın zirvədə çəni
Ayın qulağına pıçılda eşqi,
Qoy o da hər yerdə desin, danışsın.
Günəş də anlasın sevmək necədir,
Ömrün hər çağında yansın alışsın
Cənnətdən yayılan nəfis qoxutək,
Ruhuma əbədi hop gəl nəhayət.
Bütün günahlardan, dərddən, təklikdən
Əbədi olaraq qop gəl nəhayət
Yazıya 964 dəfə baxılıb
