Doğrunu görməyən kor gözüm kimi,
Mən səni sevirəm, ay çətin adam,
Haqqına qovuşmuş əzizim kimi,
Mən səni sevirəm, ay çətin adam.
Qovursan, atırsan yenə gəlirəm,
Tez-tez ağladırsan yenə gülürəm,
Mən səni asandan-asan bilirəm,
Mən səni sevirəm, ay çətin adam!
Hər acın, hər ağrın canımdan keçib,
Sevgim iliyimdən, qanımdan keçib,
Asan sevgilərin yanından keçib,
Mən səni sevirəm, ay çətin adam!
Ağardı birçəyim, ağardı saçım,
Mən hara başımı götürüm qaçım,
Bağışla, bağışla sevdiyim üçün,
Mən səni sevirəm, ay çətin adam
***
TƏK
*
Zamanında üzür dilə,
Fürsət gah olar, gah olmaz,
Qoy ölüm, öləndən sonra,
Məni sevmək günah olmaz.
*
Eşqin canda odu qalar,
Damağında dadı qalar,
İnsan gedər, adı qalar,
Sevdikləri ki, yox olmaz.
*
Bəxtim yatanda ayılmır,
Dərdin dadından doyulmur,
Hər cüt olan cüt sayılmır,
Hər tək qalan Allah olmaz.
Dəli-dəli, ürkək-ürkək,
Məndən sonra heç bir qadın.
Mənim qədər sevməyəcək.
Ürəyində dünya qəmi,
Heç bir kişi gəlməyəcək,
Bu dünyaya sənin kimi.
Sevə-sevə səsləməz ki,
Tellərinə dəyən əllər,
Əllərimə bənzəməz ki.
Alası da , qarası da,
Gözüm kimi göz olmaz ki..
O gözlərin arasında.
Əvvəlisən, axırısan,
Yağışısan, küləyisən,
Payızısan, baharısan.
Bilirəm ki, bu düz olmaz,
Vallah sonra sevdiklərin,
Mənim qədər əziz olmaz.
Dəli-dəli, ürkək-ürkək,
Məndən sonra heç bir qadın.
Mənim qədər sevməyəcək.
Yazıya 1303 dəfə baxılıb
