01.11.2019-cu il tarixdə laçınlıların sıx məskunlaşdığı Taxtakörpü qəsəbəsi, Laçın rayon Mədəniyyət Mərkəzində tanınmış şair İlham Qəhrəmanın 60 illik yubileyi keçirilib.
Kultur.az-ın verdiyi xəbərə görə, şairin yubuleyində saz-söz adamları, mədəniyyət işçiləri və sadə oxucular iştirak ediblər.
Tədbiri açan Laçın rayon Mədəniyyət Mərkəzinin direktoru Sadıq Axundov belə tədbirlərin vacibliyindən bəhs edib və bölgələrdə ədəbi-bədii kitabların təbliği və istedadlı şairlərin yubileylərinin keçirilməsinin vacibliyini vurğulayıb.
Yubilyar öz şeirlərini musiqi sədaları altında səsləndirib.
Onlarla saz aşıqlarının və muğam ifaçılarının iştirak etdiyi tədbir tamaşaçılar tərəfindən rəğbətlə qarşılanıb.
Tədbirdə oxucular şairin şeirlərindən nümunələri dinləyicilərin diqqətinə çatdırıblar.
Yazıya 525 dəfə baxılıb
