Bu adı mən necə tərif edim ki,
Bir zərrə miqdarı olmasın xəta?
Cümlələr bu ada yetərsiz qalır,
Ən gözəl tərifin özüdür ata.
•
Çəkib əziyyəti bu illər boyu,
Qoymadı övladı yata acından.
Nə qədər çətinlik çəkib gəlsə də,
Evində gülüşü var ən azından.
•
Xəstəlik olsa da onun canında,
Övladım öncədir dedi hər zaman.
Qazandı,xərclədi, çəkinmədi heç,
Bir ata qayğısı yaşatdı hər an.
•
O özü köhnələn paltarlarını
Geyindi, etiraz etmədi amma.
Bəzən dərd içində gələrdi evə,
Özündən başqası bilməzdi amma.
•
Nə deyim,mən necə ifadə edim,
Bu gözəl günlərin vəsiləsini ?
Ata qayğısına bənzədirəm mən,
Bir evə saçılan eşq kölgəsini.
•
Borcunu qaytara bilmərəm onun,
Və onun önündə baş əyirəm mən.
Nə qədər yazsam da yenə az qalar,
Halal pul qazanmış tər əllərindən.
•
Böyüdüm,amma ki bilirəm bunu
Dəyişməz qanunun bir parçasısan.
Mən sənin hələ də kiçik oğlunam,
Sən mənim hələ də əziz atamsan
***
Bu gecə yuxuna gəlsəm olarmı?
Nə qüvvət,nə əhval,nə dözüm qalıb,
Bu dəfə qoluna girsəm olarmı?
Hələ deyilməmiş çox sözüm qalıb,
Bu gecə yuxuna gəlsəm olarmı?
•
Mən sənin rəsminə baxaraq axşam,
Sevinclə yuxuya dalaraq axşam,
Mən öz bədənimdən çıxaraq axşam,
Bu gecə yuxuna gəlsəm olarmı?
•
Bu gecə yuxunda döyülər qapın,
Kimdi söyləyərsən,çatılar qaşın.
Qapı arxasında deyərəm,qadın,
Bu gecə yuxuna gəlsəm olarmı?
•
Mən səni səmimi sevmişəm axı,
Titrəyən dodaqla gülmüşəm axı,
Nəsə mən bir sual vermişəm axı?
Bu gecə yuxuna gəlsəm olarmı?
•
İsmini həsrətlə gətirdim dilə,
Döyündü ürəkdə qan gilə-gilə,
Əzizim,sevdiyim,mən gülə-gülə,
Bu gecə yuxuna gəlsəm olarmı?
•
Bu gün yuxulara işim var dedim,
Gedirəm,gözləyər məni yar dedim,
Sevdiyim,var sənə suallar dedim,
Bu gecə yuxuna gəlsəm olarmı?
•
Bildim,istəmirsən məni yanında,
Görmək istəmirsən məni yuxunda,
Barı qıyma mənə,sağollaşım da..
Bu gecə yuxuna gəlsəm olarmı?
***
Eşq nədir
Eşq o deyil,hər yalana baş vurasan,
Eşq o deyil,hər yetənə daş atasan.
Eşq odur ki,yalan yoxdur hər izində,
Gücün varsa qal bu eşqin mənzilində.
•
Eşq o deyil,hər gələnə söz atasan,
Eşq o deyil,hər ötənə söz yazasan.
Eşq odur ki,tək birinin yarı ol sən,
Eşq odur ki,qüsurları yox biləsən.
•
Eşq o deyil,mal-dövləti səbəb bilə,
Eşq o deyil,çətinlikdə tərk edilə.
Eşq odur ki,təməlində Rəbb rzası,
O yoxdursa söylə eşqin nə mənası?
***
Elə bil qəbrimi özün qazırsan.
Ağır bir duyğumu təmiz sevilmək?
Böyük bir sehrəmi sahib olmusan?
Məsələn xəyalən gözə görünmək.
Bu qüvvə haradan tapıbdır səni?
Yoxsa bu ruhuma əzab qatırsan?
Arabir yuxuma gəlirsən qonaq,
Elə bil qəbrimi özün qazırsan.
Qəlbimin içində sevirəm deyib,
Eşqimi ürəkdə bağırıram mən.
Yəqin uca dağlar eşitsə məni
Dağılar daşları mənim səsimdən.
Qatmadım eşqimə qara nöqtələr,
Bəyaz bir örtütək toxudum onu.
Bəlkə də geriyə dönərsən deyə;
Hər gün ehtiyatla qorudum onu.
Qorudum,qorxuram zaman gələr ki,
Bu eşq bir nağıltək sarılar mənə.
Qorxuram,özgəyə nişanlanarsan,
Qorxuram,başqası yar olar mənə.
Yazıya 771 dəfə baxılıb
