kultur.az “Azərbaycan dili və ədəbiyyatdan repetitor müəllimlər qrupu“nun hazırladığı “MÜƏLLİM” Yazı müsabiqəsinin nəticələrini təqdim edir. Layihəni həyata keçirməkdə qrupun məqsədi bu sənətə olan hörməti ifadə etmək,keçmiş müəllimlərə ehtiramı bildirmək,gələcəkdə müəllimliyi seçənlərə mənəvi dəstək olmaq, bu peşəyə marağı artırmaqdır.
Bir insan düşünün, vüqarlı, məğrur,
Həmişə zamanın fövqündə durur.
Çalışır, əlləşir, gələcək qurur,
Hər qəlbdə yer tutan kimdir? Müəllim!
***
Bəzən bir bağbandır, çiçək bitirir,
Bəzən də hakimdir, haqqı gözətir.
Şam olub hər yerə işıq gətirir,
Günəştək parlayan kimdir? Müəllim!
***
Silinməz iz qoyur qəlbdə sözləri,
Qayğıyla, şəfqətlə baxır gözləri.
Məqsədsiz, hədəfsiz, ümidsizləri
Həyata bağlayan kimdir? Müəllim!
***
Hamımız borcluyuq o böyük ada,
Daim öyüdünü salırıq yada.
Gəlimli, gedimli qoca dünyada
Yeni dünya quran kimdir? Müəllim!
Yazıya 827 dəfə baxılıb
